سايىستا پەتروپاۆل كوركەمونەر ليتسەيىنىڭ ەكى وقۋشىسى ەل نامىسىن ابىرويمەن قورعاپ, 5000 ۇمىتكەردىڭ اراسىنان ءبىرىنشى ورىندى جەڭىپ الدى. ولاردىڭ ءبىرى ارينا سافونوۆا 8 جاسىنان باستاپ سۋرەت سالۋمەن اينالىسادى. بۇعان دەيىن وبلىستىق بايقاۋلاردا جۇلدەلى ورىنداردان كورىنىپ جۇرسە, بۇل جولى حالىقارالىق سايىسقا ءوز تۋىندىلارىن ءبىرىنشى رەت ۇسىنىپتى. قازىلار القاسى ارينانىڭ ەڭبەگىن جوعارى باعالاپ, باس بايگەگە لايىق دەپ تاپقان. ول ءوز شىعارماسىنا قىتاي حالقىنىڭ "سۋدىڭ تامشىلاپ اققانىنان قورىققان جولبارىس" ەرتەگىسىن ارقاۋ ەتىپتى.
ال, ۆارۆارا حليۋپينا نەبارى 6 جاستا. ول بايقاۋدىڭ ەڭ جاس قاتىسۋشىسى رەتىندە "حانزادا مەن باقا" ەرتەگىسىنە ارناعان تۋىندىسىن ۇسىنعان.
«سولتۇستىكقازاقستاندىق وقۋشىلار بۇل بايقاۋعا ەكىنشى رەت قاتىستى. بىلتىر سەربيا ەرتەگىلەرى نەگىزىندە جاپ-جاقسى تۋىندىلار سالعان بولاتىن», دەيدى «يۋنەسكو كلۋبى» كوركەمونەر ليتسەيىنىڭ ديرەكتورى يننا ريپاچەۆا.
جەتكىنشەكتەردى بەلگىلى قىلقالام شەبەرى زۋراب تسەرەتەلي ماراپاتتاپ, اق باتاسىن بەرىپتى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
